Star Gazing

PLOT : Sa Antipolo, gabi, star gazing sila Luisa at Royeth. Tamang lamlam sa pwesto nila. Nasa hood sila ng pick up ni Royeth.


Luisa : (bakit kaya ako inaya nito dito?) Hoy Yeth, ano ba trip mo at dinala mo ko dito?

Royeth : (napangiti) Gusto ko lang mag-star gazing... e wala akong maaya dito kaya ikaw na lang sinama ko.

Luisa : Gagu ka ah. (Sabay hampas kay Royeth)

Royeth : Ha ha ha ha!!! Seriously, gusto lang kitang makasama dito.

Luisa : _ (walang masabi)


Sabay may dumaan na anghel.


Luisa : (Sabay tingin sa taas) Uy.. ang ganda ng mga stars o.

Royeth : (Tumingala sandali pero sabay tingin kay Luisa) Oo.. ang ganda.

Luisa : (Napansin na sa kanya nakatingin si Royeth pero kunwari hindi nya napansin) Uyy...ayun.. nakita mo yun, may falling star, dali wish ka.

Royeth : (Nakatingin pa din kay Luisa) Oo.. ang gand... err... ahh.. oo nga teka wish lang ako.

Luisa : (nakatingin pa din sya sa kin... baka eto na yung pinaka-aantay ko.. magtatapat na din itong mokong na to.) Ano wish mo?

Royeth : Ngeks, bakit ko sasabihin? E di hindi nagkatotoo..


May dumaan uling anghel.


Royeth : Ysa.. ahmm...

Luisa : Ano yun? (Shit, halata nyang nagba-blush ako..)

Royeth : Wala lang, I'm just thankful kasama kita ngayon.

Luisa : Thankful? Akala ko ba ako last option mo? Batukan kita dyan e. (Uy first time.. naging thankful sya kasama ko.)

Royeth : Heheheh... hmm.. Ysa.. ano.. (sabay tingin kay Luisa)

Luisa : (Shet.. eto na.. ano gagawin ko pag nagtapat na sya?? Halikan ko kaya agad? Or... pakipot muna ako... Shet, ang gagu kasing ito e)

Royeth : Ysa...

Luisa : Yeth... (Sabay yuko)

Royeth : (Hinawakan ang baba ni Luisa.. at inangat...nagpanagpo ang mga mata nila)


Tahimik... matagal silang nagtitigan, walang mga salitang namutawi sa bibig nila. Yumuko si Royeth at biglang may kinuha sa bulsa nya.


Royeth : Ysa...

Luisa : (Tang-ina naman oo.. ang bagal naman... rereypin ko na to e.) Yeth...

Royeth : May kulangot ka sa ilong, ayan ang laki o. Kanina pa nandyan. (Sabay punas gamit ang panyong kinuha nya sa bulsa nya)

Lamesa

Plot: Sa kusina habang kumakain ang magkaibigan..

Sinubuan ng pagkain ni Luisa si Royeth.


Luisa : Oy kain ka pa, eto o.

Royeth : umphh.. hehehe.. tataba ako niyan e.

Luisa : Ayaw mo nun, magiging healthy ka? Eto pa o.

Royeth : Teka teka, ang sweet mo naman... bakit mo ba ako sinusubuan?

Luisa : Eto naman, naglalambing lang e. Sa gusto kitang subuan e, masama ba?

Royeth : Hindi naman, kaya lang... parang naaalangan ako e.

Luisa : Anong alangan?

Royeth : E sobrang lambing mo e.. para kasing tayo pero hindi tayo.

Luisa : E mag-ano nga tayo? Ako dapat magtanong nyan e. Lagi kang andito, pag gumigimik ka, lagi mo akong sinasamahan, text ka ng text sa kin, maya't maya mo ko tinatawagan, ayaw mo kong paliligawan... etc.. etc..

Royeth : Concern lang ako sa yo, kasi kaibigan mo ko.

Luisa : Ah ganun, kaibigan kita.

Royeth : Oo, hindi ba yun ang gusto mo?

Luisa : E bakit ganun ka maka-arte? Talo mo pa kuya ko e. Ano ba talaga?

Royeth : Ang gulo mong kausap! Nagtanong lang ako kung bakit mo ko sinusubuan habang kumakain e.

Luisa : Hwag mo akong kausapin.

Royeth : Ang sarap naman nitong ulam, sino nagluto?

Hair Doctor

Plot : Sa isang unisex locker room sa isang sikat ng fitness club.


Si Alfred ay isang regular na member ng isang sikat na fitness club sa Manila. Kakatapos lang nyang magshower at magsisimula na syang magbihis ng dumaan sa gilid ng mga locker ang isang sexy at magandang babae. Kilala ito ni Alfred.


Alfred : Teka pamilyar yung babae na yun ah, tama.. sya yung sikat na doktor sa buhok na part time model din. Ang sexy pala nya.. teka, pagkakataon ko na ito, para magtanong sa kanya tungkol sa buhok ko.


Dali daling dinampot na lang ni Alfred ang kanyang bag, at tumakbo sa kabilang gilid ng mga locker upang maabutan nya yung seksing doktora.


Alfred : Miss!! Dok !! Sandali...

Doktora : Huh ?


Nagulat ang doktora sa biglang pagtawag sa kanya ng lalaki, ngunit dahil sa likas na mabait at maunawain, kinausap pa din nya ito, kahit ngayon lang nya ito nakita.


Alfred : Doktora, tamang tama ang pagkikita natin dito...

Doktora : Hmm.. bakit naman aber?


Hindi makatingin ng diretso ang doktora kay Alfred, parang naiilang sya. Dahil hindi sya sanay na makipag-usap sa ganitong lugar.


Alfred : Dok, ako po si Alfred. Fan nyo po ako. (sabay abot ng kamay para makipag-shake hands )

Doktora : Ok.. Alfred.. nice meeting you. (inabot ang kamay ni Alfred sabay bawi agad )

Alfred : (hmm.. mabait naman, mahiyain lang siguro) Hmm... pwede ko po bang ikonsulta sa inyo itong buhok ko?

Doktora : Bakit ano bang problema sa buhok mo?

Alfred : Kung mapapansin nyo po, medyo kulot ang buhok ko, at mahaba-haba na sya ng konti.

Doktora : Gusto mo syang paunat? Aba dapat sa parlor ka pumunta at hindi sa akin.

Alfred : Naku hindi, gusto ko syang ganyan, ang problema medyo naglalagas po sya. Sobrang paglalagas, lagi na lang akong naglilinis ng bahay at puro buhok ko lang ang kalat.

Doktora : Ganun ba? Hmm... mukha ka namang healthy sa katawan at medyo may pagkabalbon ka... teka.. ano bang shampoo ang gamit mo?

Alfred : Imported ang shampoo ko, galing sa tiyo ko mula sa States... (sabay talikod at yuko para kunin ang shampoo sa kanyang bag). Eto po.

Doktora : (namumula) Hmmm.. eto pala mukhang hindi kasundo ng buhok mo etong shampoo na ito. Dapat siguro magpalit ka ng shampoo, yung local brand lang. Yung mild lang sa buhok.

Alfred : Talaga??? Anong brand kaya ang pwede? Pwede nyo ba akong bigyan ng reseta ?

Doktora : Ganito na lang pumunta ka sa clinic ko bukas, eto ang calling card ko.

Alfred : (inabot ang credit card at tuwang-tuwa at muntik na nyang nayakap ang doktora) Salamat dok, ang hirap pa namang magpa-schedule sa inyo.


Ilang na ilang talaga ang doktora, lalo pa na yayakapin sya nitong si Alfred, pero wala syang magawa, mukha namang mabait itong lalaki na ito, at seryoso ang problema.


Doktora : OK.. sige Mr.. Alfred, nice meeting you, and I'll be seeing you tomorrow.

Alfred : yes dok, I'll be there.


Lumakad na papalayo ang doktora...


Doktora : Ok, one more thing though, would you mind wearing something tomorrow... please?

YM hacker

Plot : Guy nasa office ng GF nya, may dala syang backpack. Sila na lang dalawa ang nandoon kasi, pasado alas otso na ng gabi.


Guy : (sa isip ) Hmmm.. sino kaya ka-chat nito maghapon??
GF : hon, wiwi break lang me ha... dyan ka lang.
Guy : (sa isip) hmmm, pagkakataon ko na... open ang YM nya, ma-check nga ang archive...

Dahil nasa IT business din ang guy, madali lang sa kanya ang paghanap kung nasaan ang View Archives sa Yahoo. Sabagay, kahit hindi IT basta chatter alam kung asan ang Archives.

Guy : teka, mas maganda kung i-save ko na lang sa thumb drive ko. Browse... Program Files.. Yahoo... Messenger.. Profiles... ayos... copy to Thumb drive..

Pagkatapos nyang makopya, dali-dali nyang tinago ang thumb drive at ni-minimize ang YM at ni-close ang Explorer.

GF : uy, sensya ka na ha, nag-antay ka pa, nag-toothbrush na din kasi ako e, alis na tayo.
Guy : Sige...


Kinagabihan.. este.. gabi na nga pala. Nang nag-iisa na lang sya sa bahay, dali-
dali nyang kinuha ang thumb drive at sinubukan, kung kaya nyang ma-view ang archives ng gf nya. Dahil na din sa angking kagalingan sa computer at pagha-hack, nabuksan nya ang archive.

Guy : browse... hmmm.. anong date ba ngayon.. ahh.. ok.. hmm sino kaya ka-chat nito maghapon??
Guy : huh?? sino tong si sweet_hunk ?? bakit puro paglalambing ang usapan nila?? ano to?? bakit may I love you pa?? Sabi ko na nga ba e... niloloko ako ng babae na to e..

Umiiyak na sa galit ang lalaki, sinubukan nyang tawagan ang gf nya para kumprontahin...

Guy : Putaragis na provider to oh!! Network Busy!! Network busy e.. ala-una na ng madaling araw!! Syeetttt !!

Nagwala na ang lalaki at pinagpupunit ang mga loveletters na binigay sa kanya ng gf nya.

Guy : Manloloko ka.. akala ko ako mahal mo... aaarrrggghhh !!!! Hu hu hu...

Biglang may nagprompt sa Yahoo Messenger nya sa computer... Ngayon lang nya nakita to.

Guy : hmm.. baka naghahanap ng kausap. teka, akala nya sya lang marunong makipaglambingan sa chat ha...
Guy : hi pretty_fancy... ASL please.
pretty_fancy : hi sweet_hunk... i'm 19_f_manila... CTC ?

Fiction Starter

This is my first post...


Welcome to my ludicrous imagination... :D